Pre-Order for Chef Nak's Book Now! Available July 2019

បទពិសោធន៍ថ្មីនៃការទទួលទានអាហារបែបខ្មែរនៅលើផ្ទះបុរាណ Mahope-Luxury Home Dining

Mahope មិន​មែន​ជា​ភោជនីយដ្ឋាន​ធម្មតា​ដែល​គ្រាន់​តែ​បង្កើត​​ឡើង​​ដើម្បី​បម្រើ​​សេវា​កម្ម​ម្ហូប​អាហារ​បែប​ខ្មែរ​ដូច​កន្លែង​ដទៃ​ទៀត​ដែល​លោក​អ្នក​ធ្លាប់​សាកល្បង​នៅ​ពេល​កន្លង​មក​នោះ​ទេ។ វា​ជាទី​តាំង​ដ៏​ពិសិដ្ឋ​មួយ​សម្រាប់​ភ្ញៀវ​ជាតិ​និង​អន្តរជាតិ​​ទាំង​ឡាយណា​ដែល​មាន​បំណង​ភ្លក់​រស​ជាតិ​​ម្ហូប​អាហារ​រូបមន្ត​ដើម​របស់​ខ្មែរ​នៅ​លើ​ផ្ទះ​ឈើ​ដែល​មាន​រចនា​បថ​បែប​បុរាណ​ធ្វើ​ឲ្យ​ភ្ញៀវ​មាន​អារម្មណ៍​កក់ក្តៅដូច​បាន​ទទួល​ទាន​អាហារ​ជួប​ជុំ​ក្រុម​គ្រួសារ​នៅ​ក្នុង​ផ្ទះ​របស់​ខ្លួន​យ៉ាង​ដូច្នោះ​ដែរ។ ផ្ទះ​ឈើ​ដ៏​ល្អ​វិចិត្រ​នេះ​ជាកម្ម​សិទ្ធិ​របស់​អ្នក​នាង រស់ រតនៈ ហៅ Chef Nak (ចុង​ភៅ​ឈ្មោះ ណាក់) ជា​ស្ថាបនិក​​សេវា​កម្ម​នេះ​ផង និង ជាមេ​ចុង​ភៅចម្អិន​អាហារ​ជូន​ភ្ញៀវ​ផង។ ដូច​នេះ​ហើយ​ទើប​នាង​បាន​ប្រសិទ្ធនាម ទី​តាំង​នេះ​ជា​ផ្លូវ​ការ​ផ្សារ​ភ្ជាប់​ជា​មួយ​នឹង​ឈ្មោះ​ខ្លួន​ឯង​ថា “MAHOPE- by Rotanak”។ វា​មាន​ទី​តាំង​ស្ថិត​នៅ​តាម​ផ្លូវ មាត់​ទន្លេ​មេគង្គ ម្តុំ​វត្ត​វារិន្ទ ព្រែក​លៀប ខណ្ឌជ្រោយចង្វា ដែល​មាន​ចម្ងាយ​ប្រមាណ​៨​គីឡូ​ម៉ែត្រ​ពីរាជធានី​ភ្នំពេញ​។... read more...